News — bookreview

សៀវភៅសង្ខេប3ក្បាលដែលធ្វើអោយអ្នកឈប់ ខ្ជិល:

1. Atomic Habit by James Clear

2. Eat That Frog By Brain Tracy 

3. The 5 Second Rule by Mel Robbins

TED គឺជាកម្មវិធីដែលពិភពលោកទទួលស្គាល់ថា ជាបណ្តុំនៃការចែករំលែកគំនិតថ្មីៗ ដោយការនិយាយជាសាធារណៈ ដែលមានចាប់តាំងពីឆ្នាំ 1984។ តាមរយៈការស្រាវជ្រាវលើ TED Talks ចំនួន 500 ខាងក្រោមនេះជាចំណុចសំខាន់ៗ ក្នុងការនិយាយជាសាធារណៈ៖Passion: បើអ្នកពិតជាចង់ចែករំលែកពីគំនិតរបស់អ្នក សាធារណៈជនក៏នឹងចង់ស្តាប់ពីការនិយាយរបស់អ្នកផងដែរ។Storytelling: នៅពេលដែលអ្នកនិទានរឿង ទស្សនិកជននឹងស្រមើរស្រមៃ ហើយយល់ពីប្រធានបទរបស់អ្នកបានលឿន។Gesture: កាយវិការរបស់អ្នក ក៏គួរបង្ហាញពីទំនុកចិត្តខ្ពស់ផងដែរ ទើបសាធារណៈជនមានទំនុកចិត្តក្នុងការទទួលយកគំនិតរបស់អ្នក។Novel: អ្នកគួរនាំយកព័ត៌មានថ្មីៗ ដែលមនុស្សទូទៅពុំដឹង នោះពួកគេនឹងផ្តល់ចំណាប់អារម្មណ៍ខ្ពស់លើការនិយាយរបស់អ្នក។Moment: អ្នកគួររួមបញ្ចូលព្រឹត្តិការណ៍កម្រណាមួយ ដែលនាំឱ្យទស្សនិកជនភ្ញាក់ផ្អើល ពីការធ្វើបទបង្ហាញរបស់អ្នក។Humor: ការនិយាយរឿងកំប្លែង នាំមកនូវភាពលេចធ្លោម្យ៉ាង ដែលអាចឱ្យទស្សនិកជន មើលមកអ្នកក្នុងផ្លូវវិជ្ជមាន។Short: ការនិយាយជាសាធារណៈតាមបែប TED គឺមានរយៈពេលខ្លី (18នាទី) ហើយក្របដណ្តប់លើ ៣ចំណុច ដែលមានខ្លឹមសារគាំទ្រប្រធានបទមួយតែប៉ុណ្ណោះ។ Senses: ការធ្វើបទបង្ហាញរបស់អ្នកនឹងកាន់តែគួរឱ្យចងចាំ កាលណាអ្នកនាំទស្សនិកជនឱ្យប្រើប្រាស់ញាណកាន់តែច្រើនក្នុងការស្តាប់ ដូចជាការមើលរូបភាព និងពាក្យគន្លឹះលើស្លាយជាដើម។Repetition: អ្នកអាចសង្កត់ធ្ងន់លើឃ្លាណាមួយ ដែលអ្នកចង់ឱ្យគេចងចាំ ដោយនិយាយឃ្លានោះ ដដែរៗឡើងវិញ។ ពីសៀវភៅ Talk Like TED 📖 Copyright ©2015-2022 GooShop.

តើអ្នកគឺជាអ្នកដឹកនាំម្នាក់ឬ?អ្នកប្រហែលជាយល់ច្បាស់ពីការលំបាក ក្នុងការសន្ទនាដើម្បីដោះស្រាយបញ្ហាណាមួយ ជាមួយសមាជិកក្រុមអ្នកហើយ។ តាមរយៈសៀវភៅ The Discomfort Zone អ្នកគួរធ្វើទំនាក់ទំនងនោះ ដោយត្រាប់តាមពាក្យកាត់ថា DREAM៖ D-Determine the goal ឬ ការកំណត់គោលដៅអ្នកគួរមានគោលដៅច្បាស់លាស់ក្នុងការសន្ទនាថា តើបញ្ហាអ្វីដែលអ្នកចង់ដោះស្រាយជាមួយសមាជិកក្រុមអ្នក។ អ្នកអាចចាប់ផ្តើមដោយការសួរពីគំនិតគេផ្ទាល់ថា តើគេនឹងធ្វើយ៉ាងណាដើម្បីដោះស្រាយបញ្ហានោះ។R-Reflect on the past ឬ ការឆ្លុះបញ្ចាំងពីអតីតកាលអ្នកគួរចំណាយពេលស្តាប់ពីមូលហេតុ ដែលនាំឱ្យបញ្ហាកើតឡើង ពីសមាជិកក្រុមអ្នកផ្ទាល់ជាមុនសិន។ អ្នកអាចនិយាយសង្ខេបពីអ្វីដែលអ្នកបានស្តាប់ ដើម្បីបញ្ជាក់ថា អ្នកពិតជាយល់ពីអ្វីដែលគេបានបកស្រាយពិតមែន។ E-Explore the blind spots ឬ ស្វែងរកចំណុចកំបាំងនៅពេលដែលអ្នកបានស្តាប់ដំណើររឿងសព្វគ្រប់ហើយ អ្នកគួរស្វែងរកចំណុចណាមួយដែលជាមូលហេតុកំបាំង ដែលសមាជិកក្រុមអ្នកពុំបានចាប់អារម្មណ៍ ហើយវាជាមូលហេតុដែលនាំឱ្យបញ្ហាកើតមានឡើង។ A-Acknowledge ឬ ទទួលស្គាល់បញ្ហានិងដំណោះស្រាយនៅពេលដែលសមាជិកក្រុមអ្នកបានស្តាប់ និងយល់ពីទស្សនៈមួយជ្រុងទៀតរបស់អ្នករួច អ្នកគួរសួរបញ្ជាក់ថាតើគេយល់ឃើញយ៉ាងណាខ្លះ ចំពោះទស្សនៈនិងដំណោះស្រាយ ដែលអ្នកបានលើកឡើងទៅកាន់គេ ដើម្បីបង្ហាញពីការទទួលស្គាល់ នូវចំណុចដែលនាំឱ្យបញ្ហាកើតមានឡើង។M-Make a commitment ឬ ប្តេជ្ញាចិត្តក្នុងការធ្វើសកម្មភាពស្ថានភាពខ្លះតម្រូវឱ្យសមាជិកក្រុមនោះ ធ្វើសកម្មភាពភ្លាមៗ ក្នុងការដោះស្រាយបញ្ហា ដោយមានការដាក់កាលវិភាគច្បាស់លាស់។ ហើយស្ថានភាពខ្លះទៀត តម្រូវឱ្យគេគិតពិចារណាបន្ថែមទៀតផងដែរ។ អ្នកអាចណាត់ជួបគេម្តងទៀត ដើម្បីបញ្ជាក់ពីប្រសិទ្ធភាពនៃការសន្ទនារបស់អ្នក។